WwW.TeLeBe.cLaN.sU

 

Diş həkimləri dişlərin çürüməsinə səbəb olan xətaları belə sıralayır:
1. Tez-tez qəhvə içmək: gün boyunca qəhvə, çay içmək və çərəz yemək ağızda turşu yaradan bakteriyaların aktivləşərək dişlərin üzərinə toplaşmasına və onların çürüməsinə səbəb olur. Çay və qəhvə şəkərsiz içilməli, ya da onların əvəzinə süd və ya süd məhsulları qəbul edilməlidir.

2. Siqaret çəkmək: Siqaret çəkmək ağız quruluğundan ağız qoxusuna, dişlərin saralmasına, hətta ağız xərçəngi kimi dəhşətli bir çox xəstəliyə səbəb ola bilər.

3. Diş ipindən istifadə etməmək: Sadəcə dişləri fırçalamaq ağız təmizliyi üçün yetərli deyil. Diş fırçasının təmizləyə bilmədiyi aralar diş ipi vasitəsiylə təmizlənə bilər.

4. Dişləri fırçalamamaq: ağız sağlığının ən önəmli göstəricisi dişləri fırçalamaqdır. Diş fırçası 3 aydan bir yenilənməli, dişləri fırçalayarkən fırça quru olmalıdır.

5. Yeməkdən sonra yeyilən desert: şirniyyatın yeməklə bərabər yeyilməsi diş sağlığı üçün önəmlidir.

6. Su içməmək: yeməkdən sonra diş üçün edilən ən yaxşı şey su və ya süd içməkdir. Yeməkdən sonra içilən bir stəkan su yemək qalıqlarını ağızdan uzaqlaşdırır. Süd içmək dişdə kalsiumu artırır.

7. Çətin çeynənilən şirniyyatlar: Saqqız, yapışqanlı şirniyyatlar və meyvə qurusundan mümkün qədər uzaq durun. Əgər bunları yesəniz, mütləq dişlərinizi təmizləyin.

8. Meyvə və göyərti yeməmək: Meyvə və göyərtilərin tərkibindəki vitamin dişlər üçün çox önəmlidir. Xüsusilə alma kimi sərt meyvənin dişlənərək yeyilməsi qabaq dişləri təmizləyir.

9. Şəkərli saqqız çeynəmək: saqqız çeynəmək adətinizdirsə, onda şəkərsiz saqqızları çeynəyin. Şəkərsiz saqqız çeynəmək ağız suyunun miqdarını artırır, ağızın təmizlənməsinə və ağızdakı turşu balansına kömək edir.
 
Siz öz dişlərinizdən razısınızmı?