Camal müəllim artıq 5 ildən çox idi ki, bu kənddə işləyirdi. Kənd camaatı onu bu müddət ərzində yaxşı müəllim və ailə başçısı kimi tanımışdı. Amma günlərin birində Həsən kişinin onun qapısına şikayət gəlməsi Camal müəllimi xeyli pərt etdi. Həsən kişi dedi:
-Müəllim oğlunuz çox nadinclik edib. Mənim bağımda yığdığım səbətdəki yumurtaları sındırıb. İndi mən neyləyim?
Camal müəllim isə dedi:
-Həsən kişi, sakit olun. Mənim oğlum bunu qəsdən etməyib ki. Zərəri nədirsə ödəyərəm. Neçə yumurtan sınıb?
-Camal müəllim, iş də orasındadır ki, yumurtaların sayını bilmirəm. Lakin onların düzülüş qaydasını deyə bilərəm. Bəlkə siz tapdınız.
-Buyur.
-Mən səhər o yumurtalarla o qədər oynamışam ki.. Əvvəlcə bir kardon götürdüm, iki-iki yığdım alınmadı, biri artıq qaldı, sonra üç-üç yığdım, yenə də alınmadı, yenə də biri artıq qaldı,dörd-dörd, beş-beş, altı-altı yığmağa da başladım. Amma hamısında biri artıq qaldı. Nəhayət ki, yeddi-yeddi yığdım və düppədüz oldu. Artıq yumurta qalmadı.
Camal kişi sevincək dedi:
-Həəə.. Belə de.. Bu oldu asan.. Bu saat pulunu 10 qəpikdən ödəyərəm.
Sual: Həsən kişinin səbətində neçə yumurta var idi? Camal müəllim ona nə qədər pul ödədi?
